Asociación Cedofeita




A Asociación Socio-Cultural Cedofeita xorde no ano 1995 na parroquia pontevedresa de Lérez coa intención de dinamizar a vida cultural desa zona organizando conferencias, exposicións, charlas, obras de teatro, publicando unha revista,...


Para colaborar coa asociación, interesarse polas súas actividades ou para obter máis información sobre ela, pódese contactar coa dirección de correo acedofeita@yahoo.es. Tamén pode visitar o noso BLOG.


exposición 2009




Exposición de cogomelos

As exposicións de cogomelos, saídas ó campo e degustación destes son unha das actividades de máis éxito.


Saída dun barco para a emigración
A emigración protagonizou unha exposición e un amplo artigo no número 1 da revista.

Mosteiro de Lérez

Loxicamente, o mosteiro de Lérez sempre recibiu atención especial por parte da Asociación.


Cruceiro da Tranca

Non podiamos esquecer, nin nas exposicións nin na revista, a riqueza arquitectónica da nosa parroquia.


O río Lérez ó seu paso por Tenorio

O río Lérez presenta paisaxes paradisíacas, en xeral pouco coñecidas.




Ocras

Tamén nos ocupamos de temas agrícolas, cunha serie de artigos sobre novos cultivos na parroquia.


Sarmiento

Non se podía ignorar este ano unha figura da magnitude do Padre Sarmiento.


O evento máis destacado deste ano foi a recuperación para os veciños do Local Social.


Cruceiro de Benigno

A arquitectura popular volve ser obxecto de estudo na nosa revista.


A historia de Lérez predomina neste número da revista.


Poesía, lendas e historia vertebran o presente número.


po

Aspectos da historia de Lérez e de Galiza, deporte, poesía, educación e medio ambiente, entre outros, son os tratados neste número.


portada

Dende as orixes do imaxinario da escritora lerezá Fina Casalderrey ata unha ollada ás actividades realizadas ao longo do ano, pasando por unha diversidade de temas culturais, históricos, ambientais... teñen cabida nas páxinas deste número.


portada

Coa música a esta parte inicia unha variada mostra de artigos que tratan tanto aspectos históricos (Valentín Peña, documentación sobre Cedofeita, Casimiro Gómez, a intoxicación do metílico...), educativos (a experiencia de ler, a infancia e a publicidade, os problemas da conduta), entrevistas, medio ambiente, humor e outros máis.



portada


Este número consta dunha variada mostra de artigos: Cedofeita na Idade Media, a figura de Santiago cabaleiro, Florita, unha revista para nenas, a atención a altas capacidades, de conversa, o tinxido, bichos contra bichos, humor,etc.


Este número contén diversos artigos sobre temas como as escolas e mestres de Lérez, a vía romana XIX  ao seu paso por esta localidade, as peripecias dos voos de Garrnier na nosa capital, a problemática das persoas con autismo, humor, entrevista e moitos máis que se poden atopar no índice da mesma.


portada

Este número contén diversos artigos sobre temas como a iconografía dos cruceiros de Lérez, a tormenta do 15 de setembro, os gaiteiros do val do Lérez, a crónica da exposición anual, que nesta ocasión tratou do fútbol, e variadas colaboracións que se poden atopar no índice.


portada

Este número contén artigos de carácter histórico como unha pequena historia da loxa masónica do Burgo, unha aproximación á consagración episcopal en Lérez no ano 1113, os litixios sobre a Casa do Barón e o regreso do deus Vestio Alonieco; unha reportaxe sobre a última exposición "Enfiando a agulla", unha biografía do moinante Venerando, o descobrimento dunha nova especie de cogumelo na nosa parroquia, unha escolma de recitados infantís e  moitos máis artigos que se poden atopar no índice.



portada


Este número contén artigos de carácter histórico (sobre a configuración histórica de Galicia, os sucesos de Salcedo, a figura de Manuel Barreiro Cabanelas...) de carácter ambiental (sobre o ENIL da xunqueira, a serra do Suído) entrevistas, as seccións habituais, poemas  e  moitos máis artigos que se poden atopar no índice.










Este número contén artigos de carácter histórico (Quintiliano e o mosteiro de Lérez, aspectos económicos do mosteiro, o viño albariño e os conversos portugueses, enterros e prantos en Cangas, a xunqueira como aeródromo de Pontevedra, entre outros) de análise político (sobre a crise social na UE), de literatura e animación á lectura, a camelia e Pontevedra, a empresa Citröen, a saga ciclista dos Sánchez, entrevistas, as seccións habituais e  moitos máis artigos que se poden atopar no índice.









Neste número podemos atopar gran variedade de artigos, dende as seccións habituais ata artigos de carácter histórico (o abade Guntado fundador do mosteiro de Lérez), aspectos económicos do mosteiro, heráldica, toponimia, sobre os escritores Juan Bautista Andrade, Neira Vilas e Anisia Miranda, así como Manuel María, reflexións sobre a memoria e as lembranzas dos nosos avós, a emigración americana, as palletas e os pallóns, a historia do Pontevedra C.F., os ferreiros na arte e moitos máis artigos que se poden atopar no índice.


O número 21 da revista contén, á parte das seccións habituais (Humor, Novos cultivos , actividades e entrevista), artigos con temática histórica, heráldica ou sobre os tranvías pontevedreses. Tamén podemos ler a historia da orquestra Poceiro e outros temas que podemos atopar no índice.


portada Cedofeita 22

Neste número segue a ter un papel de especial relevo o mosteiro de Lérez, concretamente o reflexo na arte e a descrición dun periodo convulso no s. XIX. Outro lugar de importancia ocúpano as artes, sexa a pintura, sexa a cerámica; tamén está presente a música, mais en relación cun suceso acontecido polo San Salvador de 1946. A revista contén outras contribucións, para alén das seccións habituais: novos cultivos en Lérez, De conversa, humor ou crónica de actividades de Cedofeita.


Portada Cedofeita 23

O número 23 da revista presta destacada atención ó río Lérez: a pesca, as embarcacións, a presenza na memoria escrita da segunda metade do s. XIX e incluso o triángulo industrial de Pontevedra, polo estreito vínculo dalgunha desas entidades co río e coa ría. Ocupa un significativo número de páxinas a reportaxe sobre a exposición anual de Cedofeita, consagrada este ano ás festas populares.






 

logo logo concello


Estamos abertos a calquera tipo de suxerencias, preguntas, colaboracións,...

acedofeita@yahoo.es

ADVERTENCIA: Última actualización, decembro 2020. A maioría das imaxes está escaneada a baixa resolución para facilitar a lectura dos artigos. Se desexa algunha fotografía en alta resolución, póñase en contacto coa nosa dirección de correo. É normal que aparezan desaxustados os pés de foto e algúns parágrafos, dependendo do seu navegador e da configuración de pantalla do seu ordenador. Non se deseñou para ningún navegador en especial.


A Asociación Socio-Cultural Cedofeita é unha entidade aberta, pluralista e sen ánimo de lucro que pretende contribuír á difusión da nosa cultura, polo que ó longo do ano realiza unha serie de actividades encamiñadas a ese fin. Ademais da desinteresada colaboración dos seus membros, estas actividades implican un custo económico importante. Se desexa colaborar con esta asociación ou facerse socio, pode contactar coa dirección arriba indicada; tamén pode facer o seu donativo na conta ES80 2080 5154 4430 4000 3373  de Abanca.


Permítese a libre reproducción das imaxes e textos citando a procedencia e, no caso de Internet, poñendo un enlace a esta páxina.